Bilun kom upp í aðalvél Dettifoss í dag og er skipið vélarvana um 390 mílur suðvestur af Reykjanestá, á leið frá Reykjavík til Nuuk á Grænlandi. Varðskipið Freyja er haldin af stað til að draga Dettifoss til hafnar í Reykjavík, og er áætlað að Freyja komi að Dettifossi annað kvöld. Veður er ágætt á svæðinu og áhöfn og skip eru ekki í hættu. Í skipinu er vara á leiðinni til Grænlands og verða viðskiptavinir upplýstir um stöðu mála. Vonir standa til að viðgerð taki ekki langan tíma, eftir að skipið kemur til Reykjavíkur, og að það geti farið inn á hefðbundna áætlun frá Reykjavík í næstu viku.
Fyrir frekari upplýsingar
Harpa Hödd Sigurðardóttir
Framkvæmdastjóri Mannauðs- og samskiptasviðs
harpa@eimskip.com.
