Fara yfir á efnissvæði

Hafa samband

Netspjall

Netspjallið okkar er opið: mán.-fim. kl. 8:00-16:30 og fös. kl. 8:00-15:00. Endilega sendu okkur línu ef þú vilt spyrja um eitthvað.

525 7000

Skiptiborðið okkar er opið: mán.-fim. kl. 8:00-16:30 og fös. kl. 8:00-15:00

Senda tölvupóst

Þú getur líka sent okkur tölvupóst. Við reynum að svara öllum pósti innan sólarhrings frá því að hann berst. Netfangið er service@eimskip.is.

Senda skilaboð

RECAPTCHA
Ísland

Eimskip selur gámaskipin Goðafoss og Laxfoss

18. desember 2019 | Fréttir
Eimskip selur gámaskipin Goðafoss og Laxfoss

Eimskip hefur komist að samkomulagi um sölu á tveimur gámaskipum félagsins fyrir 3,9 milljónir dollara (3,5 milljónir evra). Goðafoss og Laxfoss eru 24 ára gömul, 1457 gámaeininga skip og hafa verið í rekstri félagsins í tæp 20 ár. Samhliða sölunni hefur verið gert samkomulag við kaupanda um að leigja skipin til baka.

Salan er liður í endurnýjun skipaflota Eimskip en félagið er nú með tvö 2150 gámaeininga skip í smíðum í Kína. Gert er ráð fyrir að Goðafoss og Laxfoss muni áfram verða í þjónustu á rauðu leiðinni, til og frá Skandinavíu, allt fram að afhendingu nýju skipanna og væntanlegt samstarf við grænlenska skipafélagið Royal Arctic Line hefst sem er áætlað að verði öðrum ársfjórðungi 2020. Salan mun því ekki hafa í för með sér breytingar á þjónustu til viðskiptavina eða siglingakerfi félagsins.

Afhending á skipunum til kaupanda mun eiga sér stað í byrjun næsta árs. Þar sem bókfært verð skipanna er hærra en sem nemur söluverði mun Eimskip færa um 1,2 milljónir evra í virðisrýrnun í gegnum afskriftir á fjórða ársfjórðungi 2019.

Kaupin eru háð hefðbundnum fyrirvörum um kaup og sölu skipa.

Eins og áður hefur verið tilkynnt hefur Eimskip komist að samkomulagi um að selja þrjú af sex frystiskipum félagsins í Noregi ásamt því að leigja eitt þeirra til baka. Þar með hefur Eimskip selt eldri skip fyrirtækisins sem mun lækka meðalaldur eigin flota töluvert.